AST - CAST
Llenzos ye una productora audiovisual centrada na realización de contenidos vinculaos a la realidá cultural d’Asturies. Buscase con ello l’apoyu a realidades qu’ayuden al desarrollu cultural, social y económicu del territoriu.
Les nueses xeres xiren alrodiu de la narrativa audiovisual y la fotografía anque nun dexamos de llau otru tipu d’actividaes. En cualesquier casu, toes elles dende la profesionalidá y la creatividá.
L’equipu profesional ta compuestu por xente moza formada en dellos centros como la Universidá del País Vasco, la Universidá Politécnica de Valencia, la Universidá d’Uviéu, la Universidá Autónoma de Barcelona la Escuela Superior de Cine y Audiovisuales de Cataluña, la Escuela Trazos de Madrid o la EISV Escuela de Imagen y Sonido de Vigo.
Disponemos d’un equipu técnicu profesional con varies cámares y distintos formatos de grabación (6K, 4K), microfonía, dron y sets d’iluminación. Los nuesos proyectos siempre pasen por una posproducción de soníu y d’imaxe profesional.
Llevamos a cabu rodaxes mui variaos que van dende’l reportaxe n’exteriores en terrenos de montaña, entrevistes d’estudiu o filmaciones de cai.
SPOT
Tamos especializaos en publicidá con contenidos audiovisuales vinculaos a la gastronomía y el turismu. Trabayamos con instituciones públiques y privaes que tengan una mirada atenta, dinamizadora, comprometida col turismu sostenible y que seyan motores comprometíos col territoriu onde lleven la so actividá.
VIDEOCLIP
Anguaño ye difícil dixebrar la música del conteníu audiovisual. Dende la productora Llenzos creemos qu’estos conteníos tienen que tener una especial atención y siguir una llínea complementaria a la obra musical. Pa construyir los nuesos videoclips trabayamos con narratives paraleles, retratos de los intérpretes, material d’archivu o conciertos en direutu.
DOCUMENTAL
La nuesa vinculación col territoriu nun podía dexar de llau el xéneru documental y el reportaxe. Les nueses producciones siempres busquen echar un gabitu dende l’audiovisual a la dinamización cultural y económica, al conocimientu de la historia y al fomentu de los rasgos identitarios. Trabayamos con formatos que van dende’l mini reportaxe a la serie documental.
Tierra de quesu
50 años de Tito Bustillo
Esbozu de María Luisa
Mujeres y deporte
NÓS
OTROS SERVICIOS
Amás de la narrativa audiovisual principal (spot, documental, videoclip) la productora audiovisual Llenzos tamién desarrolla la so actividá con otros servicios complementarios.
Dixitalización d'archivos
Dixitalizamos de manera profesional documentación histórica en archivos públicos o privaos, dientro o fora d’Asturies. Estes llabores formen parte de publicaciones y estudios asina como investigaciones d’ámbitu priváu y familiar.
Retransmisiones en direutu
Llevamos a cabu retransmisiones en direutu adaptaes a la situación de cada actu. Contamos con varios operadores profesionales y ofrecemos tamién servicios de soníu. Trabayamos en congresos (integrando presentaciones, videos o materiales de los ponentes), conciertos en direutu o talleres.
Grabación de cursos
Realizamos audiovisualmente cursos formativos online pa empreses privaes o asociaciones. Incluyimos infografíes, recursos sonoros y materiales complementarios que faciliten el seguimientu y comprensión de los conteníos.
Proyectos web
Desarrollamos páxines web dende’l primer pasu. Xestionamos los dominios y hostings requeríos y nutrimos de conteníos audiovisuales, gráficos y sonoros esi espaciu virtual.
CLIENTES
PRESUPUESTU
info@llenzos.com
658027082